Feux d'habitations et intoxicaton au monoxyde de carbone en Corse-du-Sud
(A redazzioni d'Alta Frequenza) - I spinghjifochi di Corsica Suttana sò stati ubligati à intarvena parechji volti nant'à u dipartimentu, arisera è stanotti (vennari à sabbatu). Un focu s'hè dichjaratu ind'un alloghju in Purtivechju, sottu à u primu pianu di a residenza U Paisolu, versu trè ori di mani. Una parti di l'appartamenti hè stata distrutta da i fiammi. Numarosi parsoni sò stati cacciati da i lochi, ma ancu di grazia nisuna vittima hè stata censata. In Sartè, ottu parsoni sò stati intussicati à u monossidu di carboni, dopu ad avè utilizatu un scaldatoghju à cumbustioni. Sò tutti stati traspurtati via elicotteru ver di l'uspidali d'Aiacciu. Eppo infini, un focu hà distruttu cumpletamenti una casa in Tavera. Dui parsoni anziani sò stati tocchi da u fumi è sò stati traspurtati ver di l'uspidali di a Miséricorde. I fiammi ani tocca appinuccia a casa vicina, senza inghjinnà troppu disguasti. U sinistru hè statu ammaistratu ind'a nuttata.
Sur le même sujet
