Feu de Bavedda : Christophe Castaner en Corse et point sur l'incendie
photo SIS 2A
In u mentri ch’iddu si hè affaccatu i u Sulaghju u ministru di l’internu lla francia è patronu lla sicurità civili, i sirvizia di succorsu ani fattu, issu marcuri à sera, un puntu novu di a situazioni.
U focu hà cursu par 1100 ettari. Hà toccu quattru punti lla vaddi di a Sulinzara : a Punta di Buccaronu, Rochju Pinzutu, a Punta Mozza è a Petra di Lama.
Pà issi loca ci hè cursu un ventu ghjuntu da u Nordu, chì hà lintatu calchì bedda buffulata, è l’aria ci hè sempri sicca bè.
Un spinghjifocu vulintariu si hè fertu in una cascata, luttendu contru à i fiari.
A strada dipartimintali 268 (quidda di a vaddi lla Sulinzara) hè chjusa sempri. In quantu à i mezi di lutta, sò 350 l’omini è 100 i veiculi supr’à locu, cù dui elicottari lla sicurità civili. I 4 Canadair ingagiati sò passati 80 volti à svacà a so carica d’acqua. Ben’ch’idd’achini dumandatu l’eletti di lacà li tutti chivi, dui di iss’avviò si ni vultarani dumani in francia.
In u dispusitivu di lutta par ghjovi, sò privisti 7 gruppi d’intarvinzioni pà i foca in furesta di i SIS 2A è 2B, dui sizzioni d’intarvinzioni di a sicurità civili di corti, dui culonni di rinforzu, un gruppu di brusgera è di foca diretti, è i furistini lla Cullittività di Corsica, vali à dì 200 parsoni è 70 veiculi.
Stemu a senta Christophe Castaner
Sur le même sujet
