Feu d'habitation en Corse-du-Sud
(A redazzioni d'Alta Frequenza) - Una casa hè stata distrutta di modu sanu da un focu issu dopu meziornu (marti) in Corsica Suttana, à u nivellu di u ponti d'Auccià. Un focu chì si hè dichjaratu par raghjoni sempri scunnisciuti, ma chì avarà mubilizatu guasgi tuttu u dopu meziornu i spinghjifochi di u dipartimentu, cù quattru camiò sopralocu. Nisun abitanti hè statu toccu dopu à issu sinistru, ma un spinghjifocu di Bucugnà hè statu brusgiatu à u visu è à a manu, toccu da u soffiu di a splusioni di una buttighja di gaz. Iss'ultimu hè statu traspurtatu ver di l'uspidali d'Aiacciu.
Sur le même sujet
