Feu d'habitation à Aullène
(A redazzioni d'Alta Frequenza) - Un focu s'hè dichjaratu stamani (sabbatu) versu sei ori è mezu in Corsica Suttana, ind'una casa nant'à a cumuna d'Auddè. I fiari sò partuti à u pianu sopra di ss'alloghju chì n'hà dui, à u centru di u paesi. I parsoni chì ci stavani sò riisciuti à sorta à lestra prima di chjamà i succorsi. U focu hè statu ammaistratu da i spignifochi. I servizii municipali duvariani truvà un alloghju novu à ssa famighja. I causi di ssu focu sò par avà scunnisciuti.
