Fête des sports de la CAB : tout un symbole
(A redazzioni d'Alta Frequenza) - Ci sarà ssa dumenicata a festa di i sports di a Cumunità d'Agglumerazioni di Bastia annant'à a Piazza San Niculà, n’emi dighjà parlatu.L’imbasciatori di ss’edizioni hè u ghjucadori di u Sporting François Modesto induva elli sarani prisenti 87 clubs è associ. Una nuvità impurtanti hè stata missa in ballu, cù prima à ssa festa di u sport chì s'aprarà sabbatu à 2 ori un dibattitu priparatoriu à a missa in opara di una pulitica spurtiva nova ind'u perimetru di a CAB, induva tutti l'associ sarani invitati à partasi di deci ori di mani. Ci sarà un scambiu cù u presidenti di a CAB François Tatti, u so vici presidenti in carica di i sports Gilles Simeoni, u so vici presidenti incaricatu di l'infrastrutturi Jacky Padovani, è Patrick Bayeux, spertu in missa in ballu di i pulitichi spurtivi di i cullittività lucali, chì aiutarà a CAB pà cuncipiscia ssa pulitica spurtiva. Un appuntamentu impurtanti postu chì a CAB duvarà rifletta à una raziunalisazioni di a so pulitica spurtiva, ancu in cuncertazioni cù i cumunità d'agglumerazioni vicini.
Dopu à François Tatti, steti à senta à Gilles Simeoni, vici presidenti di a CAB in carica di i sports.
