Festival BD d'Ajaccio : rencontre avec Michel Espinosa
(A redazzioni d'Alta Frequenza) - Hè ssu vennari da mani à 10 ori ch'ellu s'apri pà trè ghjorni in u Palazzu di i Cungressi d'Aiacciu a 14esima edizioni di u Fistivali Internaziunali di i Figuretti d'Aiacciu è di Corsica Suttana (da deci ori fin'è meziornu è mezu è da dui ori è mezu fin'è sei ori di sera). Una trentina d'autori ghjunti da Corsica, da u cuntinenti ma ancu da altri parti di l'Auropa pà favvi campà una dumenicata di magia. In u prugramma, dedichi di sicuru, ma dinò mostri Star Wars, Le Bâtard des Etoiles, Aventure et féerie, Prosper Mérimée et Pasquale Paoli in lingua corsa, cunfarenzi, o ancu un attellu di scrittura è di sprissioni, un antru di mangas è un ultimu didicatu à a genealugia. Radiu Alta Frequenza vi faci campà duranti ssi trè ghjorni u fistivali in vivu nant'à i nostri ondi, in cumpagnia d'invitati numarosi, com'è Michel Espinosa, avvezzu di l'evenimentu chì, aldilà di prisintà i so nuvità, hà dicisu d'impignassi propiu in a privenzioni contr'à i dipindenzi, com'è u tabaccu, pà i ghjovani grazia à un'opara urighjinali.
Steti à senta à Michel Espinosa.
