Fermeture du tunnel de Bastia : une caserne bis sur le port de commerce pour les pompiers de Bastia
Vennari, à parta si da 10 ori di sera, sarà chjusu par trè sittimani u tunellu di Bastia.
È i difficiultà ci sarani à veru.
A cuntinuvità di i succorsi, in una cità imbricata, hà da essa cumplicata, masimu quand’iddu si devi circulà da u nordu à falà. Tandu, u SIS llu Cismonti hà apartu una caserna di succorsu à nantu à u portu di cumerciu, par cumplittà a solita caserna di bor’di mari.
Accolta di rigalu in l’anziani lucali cumirciali di a « Méridionale », issa caserna pudarà riceva parsoni (15) è veiculi di succorsu quant’iddu ci n’hè in a caserna prima. Pà issi trè sittimani di travadda, sarani dunqua mubilizati 10 spinghjifoca in più. In gran’parti, sò di quiddi chì ani presu à nantu à u so tempu di riposu.
A missa in anda d’issa caserna di succorsu hè stata una vera sfida, è quissa a ci spieca u cumandanti Bruno Guidini.
Rimetta i lucala in cundizioni, cumprà a mubiglia è l’attrazzi elettrichi : l’affari hè custatu 80 000€ à u SIS.
Par furtuna pà i spinghjifoca, ch’iddi sichini supr’à locu o ghjunti da u Capicorsu, i veiculi ani da avè u drittu di viaghjà à nantu à u portu, è dunqua di piddà accurtatoghja.
Tutti issi cosi sò nicissarii da assicurà un siriviziu ottimu, com’iddu a ci spieca Hyacinthe Vanni, u prisidenti llu SIS 2B.
Sur le même sujet
