Femu a Corsica prône une démarche d'unité
(A redazzioni d'Alta Frequenza) - Una dimarchja d'unità : eccu ciò ch'elli ani vulsutu mustrà tutti i cumpunenti di Femu a Corsica ssu marcuri da mani duranti una cunfarenza di stampa in Aiacciu. Nanzi à l'adunita militanti maiò di ssu sabbatu in Corti, i raprisintanti di i muvimenti Inseme per a Corsica, PNC è A Chjama ani vulsutu incalcà torna nant'à u fattu chì aldilà di i discussioni chì ci sò stati, c'hè oghji una sola parolla chì hè d'attualità : unità. Unità pà crià un grandi partitu di guvernu è di militanti. Gilles Simeoni hà ramintatu dinò u pattu passatu cù Corsica Libera nentru à Pè a Corsica ; un partinariatu chì hà da durà. Pà ciò chì tocca a pusizioni di u Rinnovu, chì accusava u presidenti di l'Esecutivu d'una certa egemunia, Gilles Simeoni hà dichjaratu chì prima a strutturazioni di Femu ùn hà mancu appena un carattaru di sclusioni, eppo chì da un'antra banda u Rinnovu ùn hà mai fattu cunnoscia a brama d'integrà ssu muvimentu di partiti.
Steti à senta à Gilles Simeoni.
Sur le même sujet
