Femu a Corsica attend des engagements concrets du gouvernement dans le cadre du processus avec les élus corses
Luni, à dui ghjorna di a prossima riunioni trà u guvernu francesu è l’eletti corsi, Femu a Corsica hà vulsutu pricisà ciò ch’iddu s’aspetta d’issu ritrovu.
Ancu puri ch’iddu si parli pà u più di u fundariu, gérald darmanin ùn a si pudarà sfrancà, à senta ni à Femu a Corsica, d’una parolla più pulitica.
Sò dunqua aspittati ingagiamenti cuncreti, ancu s’iddu a sà u partitu corsu chì, fatta fini, da quì à un mesi, i carti sarani in mani à emmanuel macron.
Issu prucessu issendu vistu com’è un crucivia, Femu a Corsica vurria chì u guvernu francesu faccia veda a so vulintà d’avanzà à nantu à dui punti : ricunnoscia u cunflittu storicu trà a Corsica è u statu, è manifistà a vulintà d’arradicà a paci cù una suluzioni pulitica glubali.
Par Femu a Corsica, quissa ùn si pudarà avvià senza una piena autunumia.
U partitu maiuritariu di l’assemblea corsa vurria chì u quadru di a legi urganica da strutturà l’autunumia sichi difinitu da quì à u primu simestru llu 2024. Mancu ùn ci vurria pinsà, par avali, à a pussibilità d’ùn avè mancu un segnu da a parti d’un guvernu chì, sinu ad oghji, ùn hè parsu impignà si tantu da fà avanzà l’affari.
Steti à senta à François Martinetti à nomu di Femu a Corsica.
