FALEP : la nébuleuse
(A redazzioni d'Alta Frequenza) - A Falep, chì hè eppuru u portabandera di l'ecunumia suciali è sulidaria, riteni tutta l'attinzioni di dui sindicati di salariati : u STC è a CFDT. Cundannata par avè lampatu fora à calchissia d'una manera abusiva da i tribunali di i Prud'hommes d'Aiacciu è di Bastia, eppo cundannata da a corti d'appellu par avè sciappatu cuntratti di travaghju senza causa riali è seria, a Falep devi virsà à i trè impiegati cuncirnati indennità pà rumpitura abusiva. Una Federazioni d'associ à vucazioni suciali, chì batti à prò di a sulidarità è chì ùn rispetta micca i dicisioni di ghjustizia perdi tutta a so credibilità! A cundanna hè franca è chjara da a parti di i dui sindicati chì pensani bè à dumandà à a ghjustizia, penali quì, di fà a so inchiesta ind'a "scura" Falep.
Steti à senta à Maïté Nicolai, pà u STC è a CFDT.
Sur le même sujet
