Faites entrer l'Accusé va se pencher sur l'affaire Julie Douib
U novi di nuvembri à sera, à novi ori è deci à nantu à u canali RMC Découverte, l’emissioni « Faites Entrer l’Accusé » hà da essa cunsacrata à l’assassiniu di Julie Douib, tumba da Bruno Garcia-Cruciani, u so anzianu cumpagnu.
U fattu avia cumossu a Corsica è ancu di più, issendu simbulu di u calvariu di tanti, di troppu i donni, in issi situazioni di viulenzi in coppiu.
Dopu à parichji mesa di travaddu, « Faites Entrer l’Accusé » hà vulsutu rimetta i fatti in u cuntestu di tandu, è ristituì , cù uni beddi pochi di tistimugnanzi, a situazioni affannosa di l’ultimi mesa di vita di Julie Douib.
Issi ducumenti rari, solu quiddi chì erani à u prucessu l’aviani pussuti veda è senta. Ani dunqua da essa spartuti chivi videò è arrighjistramenta audiò chì facini veda, ancu di più chè a più pricisa di i tistimugnanzi, l’urribilità patuta da Julie Douib, ma ancu da a mamma di Bruno Garcia-Cruciani.
Steti à senta à Dominique Rizet, unu di i prisintatori di l’emissioni.
