Explosion suivie d'un incendie sur un bateau à Calvi, plusieurs blessés
(A redazzioni d'Alta Frequenza) - C'hè stata una splusioni eppo un focu annant'à un battellu, cù à u minimu cinqui feriti dopu meziornu (luni) à a punta di a Revellata à u largu di Calvi. In mità di dopu meziornu, i servizi di u CROSSMED sò stati infurmati chì un mezu rigidu chì apparteni à un club di ciuttadori era in difficultà maiò cù 15 parsoni nantu. Un focu hè partutu dopu à a splusioni di u sulaghju di u battellu. I passaghjeri sò stati ubligati à lampassi inde l'acqua par via di i fiari. Un primu bilanciu : cinqui feriti. Sò stati presi da dui battelli d'altri ciuttadori è purtati da u SAMU à l'uspidali di Calvi. Aldilà di l'uparazioni di succorsu, un'inchiesta hè aparta pà cunnoscia i causi di ssa splusioni, chì pudaria essa liata à un prublema cù i riservi d'essenza, ma ss'affari devi essa cunfirmatu.
Sur le même sujet
