Evénement 66 de l'AC Ajaccio : entretien avec Toussaint Martinetti
(A redazzioni d'Alta Frequenza) - A sapeti, l'AC Aiacciu hà da fistighjà ssu vennari à sera, mentri a ghjunta di a squadra di Niort in campiunatu di Liga 2, i 50 anni di u so prima titulu di campionu di Francia di siconda divisioni è dunqua a so cullata in prima divisioni francesa. L'ACA hà da renda umaghju dunqua à i so anziani ghjucadori è dirighjenti duranti ssu ghjornu particulari. Nutrisciasi di u passatu pà crescia ver di l'avvena, eccu a filusufia di u club aiaccinu. Dipoi calchì ghjornu, Radiu Alta Frequenza, partinariu di l'evenimentu, vi pruponi di scuntrà un anzianu ghjucadori di u club di l'anni 60 è 70. Intrattenu oghji cù Toussaint Martinetti, ghjovanu difensori chì prumittia assai è chì hà principiatu à l'ACA inde l'annati 1970. Spera maiò cù un carattaru forti, hà fattu par disgrazia i so principii appena nanzi u tempu longu d'assenza di u club. Vici presidenti oghji di l'amicali di l'anziani di l'ACA, hà cuntribuitu assai à l'urganisazioni di l'evenimentu 66.
Steti à senta à Toussaint Martinetti.
