Évacuation de la Préfecture de Bastia : Corsica Libera monte au créneau
(A redazzioni d'Alta Frequenza) - In un cumunicatu di stampa ghjuntu ind'a nostra redazzioni, Corsica Libera voli fà sapè ch'ellu hè "sulidariu di i socioprufiziunali corsi agressati cù viulenza arimani da a pulizza francesi, mentri ch'elli faciani un'azzioni propiu pacifica. A listessa attitudina era stata aduttata d'altrondi da l'amministrazioni francesi calchì mesi fà in Corti, contr'à ghjovani di a Ghjuventù Indipendentista. U Statu francesi faci in Corsica ciò ch'ellu pensa mancu appena di fà in Marseghja, ciò chì duvaria purtà certi di i nostri cumpatriotti à apra l'ochji. Infini, Corsica Libera susteni a dumanda di i socioprufiziunali annant'à a partenza di u prifettu di Corsica Suprana, ch'è no pudariami allargà d'altrondi à u prifettu dittu "di u rughjoni", cù i so dichjarazioni di pocu fà chì ani fattu impeghjuriscia una situazioni dighjà difficiuli."
