Europe Ecologie les Verts en route pour les municipales 2014 !
(A redazzioni d'Alta Frequenza) - I municipali di u 2014 sò lanciati, in tutti i casi pà Auropa Eculugia i Verdi è frà altru in Aiacciu. U muvimentu eculogicu stima ch'ellu saria ora, à un annu oramai di iss'alizzioni impurtanti, di fà cunnoscia a so pusizioni. I Verdi dani un parè piuttostu pusitivu nant'à a gistioni di Simon Renucci, fendu un paragonu bella sicura cù i bilanci di i municipalità di prima. Eppuru, volini chì a piazza di l'eculugia, è frà altru l'eculugia pulitica, s'impunessi di manera più larga inde a gistioni di a cità. Da sbuccà ci, pruponini dui suluzioni : o s'ingaghjani soli cù a so lista à elli, o allora ghjentrini inde listi fatti à maiò parti di prugressisti. I grandi discussioni sò aparti, com'è a ci dici Julia Sanguinetti.
Ecoutez-la.
Sur le même sujet
