Esprit constructif au sein du nouveau conseil municipal d'Ajaccio
(A redazzioni d'Alta Frequenza) - I passioni, è i tinsioni chì sò inghjinnati di a campagna eletturali rifalani à pocu à pocu annant'à a cità d'Aiacciu. Intrimi oramai ind'un tempu dittu di nurmalità, è a nova squadra dirighjenti si stalla à pocu à pocu in Casa Cumuna. U cunsighju municipali chì hè statu urganizatu arimani (luni) hà cunnisciutu nisun prublema particulari, eppuru si trattava pà ssa siconda riunioni di finalizà a custruzzioni di l'urganisazioni municipali. Nisun surpresa dunqua pà ciò chì tocca l'attribuzioni di i dilegazioni : Stéphane Sbraggia sarà bè Primu aghjuntu incaricatu di i finanzi, di u bughjettu è di i risorzi umani, l'altri dilegazioni prisintendu si com'ellu era privistu dipoi un pezzu. Par illustrà ssu principiu di un tempu municipali novu, pari chì un spiritu custruttivu si sighi stallatu à u cunsighju.
Steti à senta à Paul Antoine Luciani, anzianu primu aghjuntu di u merri d'Aiacciu.
Sur le même sujet
