Espace Gaudin : une réunion publique pour clarifier les enjeux
(A redazzioni d'Alta Frequenza) - Ssu marti, Pierre Savelli, u merri di Bastia, hè andatu à scuntrà una pupulazioni assai numarosa mentri una riunioni d’infurmazioni nant’à u prughjettu di u Spaziu Gaudin, cù abitanti di ssi lochi chì ani postu dumandi à parechji. S’ellu hè privistu in u prughjettu u rinnovu di a scola Gaudin è di i spazi di vita, u parking privistu inde stu prughjettu hè statu u solu à cuncintrà l’intarrugazioni di l’abitanti. Dumandi nant’à u principiu di a campagna d’abbunamentu fin’è i prublematichi di i carrughji à i cunfini com’è u carrughju Sant’Anghjulu, s’hè parlatu di cosi assai larghi, cù com’è intarrugazioni cintrali a piazza di a vittura in u centru cità di Bastia.
Una piazza chì evulueghja è chì duvarà cuntinuà ad evuluà pà Pierre Savelli, u merri di Bastia.
