Erilia: des difficultés au grand jour
(A redazzioni d'Alta Frequenza) - L'associu dittu "pour l'amélioration de l'habitat" di i Salini pà i residenzi Erilia è Logirem hà occupatu una bella parti di a ghjurnata a direzzioni d'Erilia in Aiacciu. Sequestrazioni o micca di u direttori, una cosa hè sicura, ss'occupazioni hè stata inquadrata da a pulizza. L'associu vulia dinunzià u casu propiu particulari di una donna chì stà in Sartè, ubligata di lacà u so alloghju pà andà à stà ind'un alloghju di u listessu gennaru ma chì apparteni à un'antra sucità. A saluta più cà pessima di a parsona cuncirnata d'appressu à l'associu ùn parmetti micca ssu cambiamentu di casa. Ssa parsona, calchì ghjornu fà, è avia fattu parlà assai, s'era incatinata à u purtoni di a sottu prifittura di Sartè pà fà valè i so diritti. Una nova tappa ind'a cuntistazioni hè stata francata oghji cù l'azzioni di l'associu dittu "pour l'amélioration de l'habitat". Sicondu l'ultimi infurmazioni, s'andaria ver di una fini pusitiva pà a parsona cuncirnata, ma l'associ volini firmà attenti più cà mai malgradu tuttu.
Steti à senta à Cathy Milleli, portavoci di l'associu.
Sur le même sujet
