Episode pluvio-orageux intense et violente tempête annoncés sur la Corse
(A ridazzioni d'Alta Frequenza) - In u cumunicatu, a prifittura lla Corsica faci signalamentu d’una passata di forti scurruttoni, è ancu di timpurali viulenti com’iddu si ni vidi pocu. Hè dunqua mantinuta a vighjulanza arancina, sinu à marti à sei ori di mani. L’acquati avvinghjini a Corsica, cù trustati viulenti. U ventu pidda forza ancu iddu, cù u passaghju lla diprissioni Adrian, è i buffulati pudarani tuccà i 130 o 150 chilomitra à l’ora, in li loca i più sposti. S’aspetta ancu a grandina, è ci pudariani essa burrascati è trombi. Issa diprissioni pò ancu mova marosuli maiori, i golfi d’Aiacciu è Prupià issendu i più sposti. S’arricumanda à tutti d’essa à veru attenti.
