Episode de vent fort prévu sur la Corse : Appel à la prudence !
(A redazzioni d'Alta Frequenza) - Chjama à a prudenza par via di u ventu viulenti privistu in Corsica. I servizii di Météo France privedini da a dumenica u 25 d'aostu fin'è luni u 26 d'aostu di u 2013 un ventu forti à punenti è marosuli, soprattuttu nant'à a costa uccidintali. I valori aspittati sò trà 50 è 70 chilometri par ora in media è 90 chilometri par ora o ancu di più in buffulati ind'i settori i più sposti. Ssu fenomenu sarà accumpagnatu da marosuli forti cù altezzi pussibuli fin'è 3 metri. Pà i cumuni di u liturali, marosuli forti duvariani essa prisenti; hè dunqua dumandatu d'essa prudenti nant'à i piaghji è di rispittà i reguli di securità, com'è l'intardizzioni di bagnà si quandu ci hè una bandera rossa. Di pettu à u risicu "focu di furesta", impeghjuritu cù ssu gattivu tempu, ci voli à essa assai attenti in muntagna è ind'i boschi. Tutti i servizii ingaghjati pà a privenzioni è a lotta contr'à i fochi di furesta sò mubilizati, torna una volta, cù i so capacità i più alti duranti ssi dui ghjorni.
Sur le même sujet
