Insignamentu agriculu : hè privista una cuncirtazioni in i ghjorna à vena
Dopu à a ghjurnata di manifistazioni urganizata marti u 25 di marzu in Aiacciu da l’intersindicali di u insignamentu agriculu, Jérôme Filippiny, u prifettu lla Corsica, hà dittu in un cumunicatu ch’iddu si vultaia à « un ambienti favurevuli à un dialugu sirenu è custruttivu ».
Saluta, u prifettu, a scelta d’ùn avè presu a via di a viulenza è ni chjama à un appacià, chì l’elevi di i licea di u Borgu è di Sartè sarani i primi à binifizià ni ».
« Da risponda à i pinsera purtati da i sindicata di u insignamentu agriculu, u prifettu lla Corsica è Gilles Simeoni, u prisidenti llu cunsigliu esecutivu, si sò intesi pà urganizà in li ghjorna à vena una cuncirtazioni, par trattà a quistioni di a struttura pidagogica è di i mezi didicati à u insignamentu agriculu in Corsica ».
