Energie: nouvelle grande étape pour le projet Millener
(A redazzioni d'Alta Frequenza) - Una nova tappa di u prughjettu Millener, Milli Stallazioni di gistioni energetica inde l'isuli, hè stata prisintata stamani (vennari) ind'i lucali d'EDF Corsica in Aiacciu. Sustinutu da a Cullettività Tarrituriali di Corsica, l'Unioni Aurupea è l'ADEME, quissu quì hè missu in ballu in dui altri isuli, a Riunioni è a Guadaluppa. I finalità di ssu prughjettu sò : d'aiutà i parsoni cuncirnati à cunsumà meghju, uttenendu infurmazioni nant'à ciò ch'elli cunsomani è ciò ch'elli pruducini pruvendu à veda s'è quissi quì pudarani cunsumà appena menu; di favurizà l'inserzioni di i novi energii di rinnovu inde sistemi elettrichi isulani com'è quillu di a Corsica; di participà à un prughjettu chì parmetti di riducia l'emissioni di gaz cù effetu di serra liati à a cunsumazioni d'elettricità. Un prughjettu novu è sperimentali, chì s'hè materializatu prima da a stallazioni calchì mesi fà di Box in 300 casi corsi. À partasi d'oghji, quissu quì principia a scelta di i 100 casi chì t'avarani ssa stallazioni quì : i parsoni chì ani fattu a scelta di participà à ssu prughjettu avarani investitu ind'a stallazioni di panelli fotovoltaichi, prima d'uttenna un'antra stallazioni, quì di gratisi, di battarii pà allucà l'energia.
Steti à senta à Laure Lambrot, incaricata di prughjettu Millener in Corsica pà EDF.
Sur le même sujet
