Energie: les associations n'en démordent pas
(A redazzioni d'Alta Frequenza) - U catramu è i piumi ! L'associ di difesa contr'à i cintrali à u fuel di Corsica ani bè arrighjistratu l'infrasata di Paulu Giacobbi è a pudariani utilizà in tempu è ora s'elli volini. Prima di sapè quali hè chì sarà vistutu di catramu è di piumi, dicini torna forti è cù forza chì ùn si sà micca tuttu nant'à u cartulari di i cintrali. Aria Linda è A Sintinedda sò d'accunsentu cù a CGT EDF chì hà fattu sapè u so timori dopu à i scontri fatti pocu fà cù Henri Proglio prima è cù a ministra Delphine Batho dopu. Nè a ministra di l'Industria, nè u patroni d'EDF, sicondu u sindicatu, ani dittu in fatti di manera chjara chì u gaz ghjunghjarà bè in Corsica, ciò chì u mondu assuciativu hà ripresu di sicuru. Un'inchietudini micca sprupusitata soprattuttu chì EDF è a cità d'Aiacciu ani trovu un accordu pà rifà di modu sanu u situ di gaz in u Loretu. Pà Aria Linda, ssi travaghji sò a cunfirmazioni chì u prughjettu Cyrénée, u famosu cunduttu Bastia-Aiacciu pà u gaz, hè abbandunatu.
Ecoutez Jean-Nicolas Antoniotti, pour les deux associations.
Sur le même sujet
