Encore des intempéries en Corse
(A redazzioni d’Alta Frequenza) - A ghjurnata d’arimani (marti) hè stata marcata da acquati impurtanti nant’à a costa urientali è ind’u Stremu Suttanu di l’isula. Cumuli di precipitazioni chì ani inghjinnatu a piena di fiumi è corsi d’acqua. Da issu fattu quì, a Piaghja Urientali hè stata tocca da l’inundazioni, è u fiumi Tavignani hà sburdatu fin’è a Strada Naziunali 198, in Aleria. Diversi falati di petri o arburi sò stati dinò censati nant’à a Dipartimintali 69, trà Ghisoni è A Ghisunaccia. A cità di Corti s’hè vista privata d’acqua torna una volta, ma sta volta par via di una misura di privenzioni da a parti di a municipalità. Disturbi arrighjistrati dinò trà Ponte Novu è Ponte Leccia, com’è nant’à a Dipartimintali 169, trà Sartè è Prupià, duva u Rizzanesi hè isciutu da u so lettu. A situazioni nant’à i sfarenti zoni cuncirnati si duvaria mighjurà ind’a matinata.
Sur le même sujet
