Encore des chutes de neige ce matin en Haute-Corse
(A redazzioni d’Alta Frequenza) - Neva sempri stamani (luni) appena dapartuttu in Corsica, ma soprattuttu ind’u Nordu. In fatti, Calvi hà vistu affaccà si a nevi, com’è certi cumuni di a piaghja urientali. A circulazioni stradali hè dunqua disturbata. Bisognu ad avè arnesi spiciali da francà i bocchi di Vizzavona è pà viaghjà nant’à a Balanina. In Vizzavona, a circulazioni hè sempri pruibita à i veiculi articulati. Nant’à a reta dipartimintali, a maiò parti di i bocchi sò sarrati. Inveci, ùn ci hè nisunu prublema in San Ghjorghju è Cilaccia. I trasporti sculari ùn sarani micca assicurati in Corsica Suprana oghji. In Corsica Suttana, micca trasporti sculari stamani inde l’Alta Rocca, l’Altu Taravu è u settori di Vicu. U pianu grandi fretu hè statu lanciatu da purtà aiuti à quilli chì sò u più ind’u bisognu. Posti in più pà l’alloghju d’urghjenza sò stati aparti. A più grandi prudenza hè dunqua racumandata.
