Emmanuel Macron ouvre la porte à un article inédit de la Corse dans la Constitution et à l'autonomie
« Semu à un mumentu storicu. U spiritu di rispunsabilità è u sensu di u duveri chì vo’ aveti avutu c’impidiscini a indiffarenza è u statu quò ». Eccu i parolli ditti ghjovi à l’assemblea corsa da emmanuel macron, u prisidenti lla ripublica francesa.
« U statu quò saria u nosciu fiascu à tutti » hà ancu dittu emmanuel macron in u so discorsu. Hà dittu u prisidenti francesu chì « a Corsica t’avia bisognu dipiù di libartà è di a ricunniscenza di a so singularità. Par quissa, tocca à fà entra a Corsica in a noscia custituzioni, via un articulu ineditu ».
Di manera più cuncreta, emmanuel macron hà spiicatu ch’iddu vulia dà à l’assemblea di Corsica a pussibilità d’adattà meddu i normi. Un drittu d’adattazioni ch’iddu ci hà da vulè à simplicificà, da sfrancà si la da i blucchimi.
Ci hà da vulè ancu à studià a pussibilità di difinì a norma pà i cumpitenzi trasfiriti, ma via u cuntrollu di u cunsigliu di statu : un’autunumia, ma forsa micca lighjislativa. Longu à issi sei mesa dunqua, ci hà da vulè à purtà u dibattitu à nantu à issu tema di primura di a rivindicazioni naziunalista.
Steti à senta à emmanuel macron, à prupositu di l’autunumia di a Corsica.
Par ciò chì tocca à a lingua corsa, hà dittu emmanuel macron ch’iddu vurria ch’idda sichi insignata meddu, via un sirviziu publicu d’insignamentu. Ma di cuufficialità, mancu à parlà ni !
À liveddu di u statutu di risidenti, emmanuel macron hà parlatu di dispusitivi fiscali da arrigulà u marcatu di l’immubiliariu, ma rispittendu quantunca u drittu aurupeanu.
Steti lu à senta.
