Emmanuel Macron : la bi-thérapie du Professeur Raoult doit être testée
Marcuri, à nantu à l’ondi di RFI, u prisidenti francesu macron hà parlatu di u cartulari di l’Africa, ma dinò di a so visita à u prufissori Raoult, à l’IHU di Marseglia, a sittimana scursa.
Ricunniscindu chì Didier Raoult era unu di i capizzoni in a so attività, hà dittu chì cù issa visita si vulia renda contu di u so travaddu, è veda s’iddu viaghjaia, issu travaddu, in u quadru d’un prutucollu di prova clinica. Hà dittu ch’iddu ci vulia à fà prestu, cù metudi simplicificati ma serii, da veda sè u trattamentu viaghja o micca.
« A biterapia di u prufissori Raoult devi essa pruvata. Ci voli ad avanzà, misurà ni l’efficacità è a tussicità », hà dittu u prisidenti francesu, chì no’ stemu à senta.
Sur le même sujet
