Emmanuel Macron demande un entretien à Gilles Simeoni : le Président de l’exécutif dit non en l'état actuel des choses
(A ridazzioni d'Alta Frequenza) - In un cumunicatu, dici Gilles Simeoni, u Prisidenti llu Cunsigliu Esecutivu, ch’idd’hè statu invitatu da u prisidenti lla ripublica pà una discursata capu à capu, marcuri à l’élysée. Dici Gilles Simeoni ch’idd’hè prontu pà un veru scambiu, ma chì par avali, ùn l’hè pussibuli micca di dì iè à iss’invitazioni. Pricisa u Prisidenti di l’Esecutivu chì parichji dumandi è attesi, purtati da u « suffraghju univirsali », ùn ani trovu sinu ad oghji chè « indiffarenza, ricusu o disprezzu ». Masimu chì a Corsica, oghji, s’impetta à una crisa ecunomica forti, è chì dumanda risposti forti, soli capaci à rimetta à pena di cunfidenza. Pà u Prisidenti di l’Esecutivu, s’iddu si faci issu scontru cù u prisidenti Macron, ùn ci sarà l’arti di cuntintà si di solu un cirimuniali. I dui prisidenti si parlarani à u teleffunu oghji. Una discursata larga quant’iddu si devi è pò, dici Gilles Simeoni. S’idda porta quissa calchì nuvità à veru, calchì avanzata, tandu si pudarà pinsà à unu scontru innanzi à a ghjunta d’Emmanuel Macron in Corsica, di marzu.
Sur le même sujet
