Élections législatives 2ème circonscription 2A : la réaction de Jean-Christophe Angelini
(A redazzioni d'Alta Frequenza) - Alizzioni legislativi : in Corsica Suttana, è frà altru ind'a siconda circuscrizzioni, Femu A Corsica, si metta à mezu à u dibattitu. Camile de Rocca Serra, u diputatu attuali hè in testa cù 33% di i voti spressi. Una situazioni à prò di iss'ultimu chì sarà uppostu à Ghjuvan Cristofanu Angelini chì racoglia 21,23% dii voti. U candidatu di manca Paul Marie Bartoli sarà assenti di issu sicondu ghjiru, cù i so 16,81% di i spressi, è dunqua 10,12% di i scritti, ùn trappassa micca u sciffru chì ci voli pà essa qualificatu. L'incertezza di u sicondu ghjiru ferma forsa ind'a spartera di i voti di l'eliminati. Da nutà chì u sciffru di Dumenicu Bucchini - Front de Gauche (10,86%), di Bernard Angelini - Front National (9,82%) è di Paulu Quastana - Corsica Libera (8,04%). Ghjuvan Cristofanu Angelini hè assai uttimistu, è stima chì i capacità di mubilisazioni è i voti di l'eliminati li vani largamenti à prò. Com'è u so cumpagnu bastiacciu Gilles Simeoni, u candidatu Femu A Corsica ind'u meziornu cunsidareghja chì u cambiamentu si faci.
Écoutez Jean-Christophe Angelini.
