Élections européennes : le RN entre en campagne en Corse
Franck Alisio, u diputatu di i Bouches du Rhône è portaparolla di Jordan Bardella, era in Aiacciu sabbatu. Hà lanciatu ufficialmenti in a campagna di u RN pà l’alizzioni aurupeani, in Corsica.
Hà ramintatu a impurtanza d’iss’alizzioni. Ùn si cunnoscini par avali i noma di a lista, ma forsa ch’iddu ci pudaria ancu essa un candidatu di u cumitatu di Corsica.
Franck Alisio dici ch’idda hè in cori à u dibattitu a quistioni aurupeana, ma chì quidda di l’autunumia ùn hè di tantu intaressu.
Difenda l’identità, i valori è a libartà in cori à un’Auropa chì circa à unifurmizà tuttu, eccu u « credu » mintuvatu issa duminicata in Corsica da u RN.
U muvimentu, chì dinuncia l’immigrazioni imposta da Bruxelles, spieca via Franck Alisio chì l’autunumia ùn hà da risolva i pinsera di u cutidianu, è chì l’esecutivu corsu faci u ghjocu d’emmanuel macron.
Pà u RN, asistini oghji limiti à ùn francà, chì a ci sfrancarani di piddà a via di a indipindenza.
Steti à senta à Franck Alisio.
