Elections européennes : blocage d'un bureau de vote à Bastia
(A redazzioni d'Alta Frequenza) - "Un attu chì ùn si pò micca accittà" : eccu com'ella qualificheghja a prifittura di Corsica Suprana u fattu chì u scagnu di votu di Bastia fussi statu bluccatu da manifistanti. U blucchimi hè statu rializatu à l'iniziativa di i sindicati agriculi pà cuntistà i direttivi aurupei, è hà duratu un'ora à pocu pressu. L'uparazioni di votu si sò passati d'una manera nurmali malgradu tuttu. U raprisintanti di u Statu hà aghjustatu chì "ind'i cundizioni privisti da u Codici eletturali, a mubilisazioni di a forza publica hà parmissu quantunqua una ripresa nurmali di l'uparazioni di votu". Alain Rousseau, u prifettu di Corsica Suprana, cundanna cù forza ssu blucchimi. Rammenta ch'ellu ùn si pò micca accittà, qualsiasi i rivindicazioni ammintati, di diragnà un prucedimentu eletturali. "Di fattu, hè a cundizioni stessa di a vita demucratica chì hè missa in causa. Hè par quissa chì atti simuli ùn devini micca essa tularati".
