Elections des TPE : la CGT toujours contre la candidature du STC au niveau national
(A redazzioni d'Alta Frequenza) - Ssu marcuri, a CGT di Corsica Suprana hà spiegatu parchì era d'accordu è sustinia u ricorsu di u sindicatu à u nivellu naziunali contr'à a dicisioni parmittendu à u STC di prisintassi in cuntinenti dinò pà l'alizzioni sindicali inde l'intrapresi assai chjuchi. Ancu s'è u sindicatu hà dinunziatu torna i rivindicazioni "discriminatorii" di u STC, parlendu ancu di "folklore" cuncirnendu ssa candidatura à u nivellu naziunali, a CGT di Corsica Suprana hà vulsutu incalcà nant'à u fattu chì u nimicu ùn era micca u STC, ma u risicu di regiunalisazioni di i discussioni trà sindicatu è patronu è u risicu di codici di u travaghju regiunalizati. Una candidatura à u nivellu naziunali di u STC andaria sicondu u sindicatu in u sensu di a famosa legi Travaghju, è pudaria ancu stimmatizà l'impiegati corsi in cuntinenti d'appressu à Jean Pierre Battestini pà a CGT di Corsica Suprana.
Eccu a so intervista.
Sur le même sujet
