Effondrement d'une dalle de béton dans un restaurant d'Ajaccio : pas de blessés
Marcuri in Aiacciu, i spinghjifoca llu Pumonti sò intarvinuti chì una lastra di cimentu si n’hè falata in i cabinettu d’un risturanti, trà u carrughju Fesch è quiddu dittu « des Halles ».
À senta ni u SIS 2A, a lastra di dui metra quadrati si n’hè falata in i cabinetti di u risturanti « Le Saint Pierre », è hà fattu ancu calcì dannu à u risturanti « Le Moe’s ».
L’affari – ma si n’aspetta a cunfirma – saria successu parvia d’u cunduttu chì pirdia acqua.
Ferti ùn ci n’hè statu, ma i spinghjifoca ani missu cinqui parsoni in sicurità, u tempu lla so intarvinzioni.
Supra à locu, à torru à i succorsi, c’erani riprisintenti di a cità, di a prifittura è di a SOCOTEC.
Par sicurità, a mirria a presu un arrestu, da ch’iddu chjurghi u tempu u « Moe’s ».
U « Saint Pierre », inveci, ùn hè statu chjusu chè in parti.
Par avali, ùn ci n’hè statu arrestu à mutivu di piriculu pà u palazzu, à senta ni a mirria.
Sur le même sujet
