Economie : la CCI 2A mise sur le développement de ses ports
(A redazzioni d'Alta Frequenza) - A Corsica Ferries prisintava ghjovi in Aiacciu i so innuvazioni pà l’annu 2016, n’emi dighjà parlatu. L’uccasioni dinò d’intensificà u partenariatu trà a cumpagnia marittima è a Camara di Cummerciu è d’Industria d’Aiacciu è di a Corsica Suprana, cù l’apartura di ligni novi in Purtivechju ver di u cuntinenti è a Sardegna. A scelta di a Cità di u Sali cunfirmeghja quì i vantaghji di ssu portu sicondu a CCI, ch’elli sighini cummirciali, tennichi o geugraffichi. A camara cunsularia si scrivi d’altrondi in una dimarchja pà crià i cundizioni pà u sviluppu di u serviziu di ss’arnesi maestri di l’ecunumii isulana à traversu i porti di u dipartimentu chì sò Aiacciu, Bunifaziu, Purtivechju è Prupià. Una scummessa nant’à a spluttazioni è l’investimentu, cù l’asempiu di riescita u più forti chì hè quillu di a Cità imperiali, cù a prima capacità purtuaria di l’isula, chì hè dinò è soprattuttu u sicondu portu di crucera francesi è u prima di Corsica.
Steti à senta à Jean André Miniconi, u presidenti di a Camara di Cummerciu è d’Industria d’Aiacciu è di a Corsica Suttana.
