Écologie et inclusion piliers du dispositif Les Entreprises s'engagent
Missu in anda di ghjinnaghju da a prifittura llu Cismonti, u prugrama « Les Entreprises s’engagent », vulsutu da u prisidenti francesu emmanuel macron, cuntinuvighja à sparghja si in Corsica.
Sò circa cinquanta impresi ad avè adiritu à iss’iniziativa, è quindici trà quissi ci si sò impignati bè.
In cori à issu prugrama, ci sò l’eculugia è a inclusioni, da risponda à i prublimatichi ambiintali è à quiddi di a insirsioni.
Comu viaghja issu dispusitivu, è chì intaressu ci ani i impresi ?
Steti à senta i spiicazioni di Michel Prozic, u prifettu llu Cismonti.
In Cismonti, u capifila d’issu gruppu d’impresi hè Bernard Ottaviani, di a Mutuelle de la Corse. In cori à quissa a impresa, sò stati presi uni pochi d’ingagiamenti à liveddu ambiintali, è una cartula di bona cundutta hè stata mandata à l’adirenti.
A pulitica di ricrutamentu, ancu pà i stazii, s’arremba à issa vuluntà d’andà à u riscontru di i pupulazioni chì attaccani a so vita cù pocu bineghju.
Steti à senta à Bernard Ottaviani.