Éclairage sur le club Handball Ajaccio Gravona
Photo : Anthony Tognetti
A squadra di handball Aiacciu-Gravona-Rive Sud hà da ghjucà in Naziunali 2 fiminili pà a staghjoni ch’entri.
Eccu i primi passi d’una bedda strada, un viaghju chì si pò fà gramazia à u travaddu è à l’unità di un gruppu.
L’addistradori conta monda à nantu à issa sulidarità è issa cumbattività ch’iddi t’ani i femini. U gruppu, solidu, circarà innanzi tuttu à mantena si.
Steti à senta à François Maistre, l’addistradori llu HBAG
Ma pà un campiunatu com’è quissu, ci hè bisognu dinò d’un quadru amministrativu fattu in cunsiquenza. Ricrutamenti, gistimentu…. Pà una struttura nova com’è u HAGRS, ci hè vulsutu à pinsà à suluzioni novi è adatti.
A scumissa, chì s’arremba supr’à tuttu à a passioni d’unu sport è à l’amori d’un tarritoriu, pari ch’idda sichi vinta.
I spiicazioni di Philippe Tormen, u Prisidenti lla Squadra
À spissu, oghji, u sport d’altu liveddu duventa un grattacapu, à liveddu suldarinu.
Di quissa, u HAGRS ùn si ni sfranca. Ma anc’assa’, si pò arrimbà à sustegni privati, fidi è impignati.
Da u principiu, Mathieu Castellani, cumircianti cunnisciutu in Aiacciu, hè prisenti à fiancu à a squadra.
L’omu, chì hà da apra da quì à pocu un « Marché aux affaires » in Aiacciu, ci spieca u so ingagiamentu.
Stemu lu à senta.
Sur le même sujet
