Échec scolaire : Josepha Giacometti milite pour un changement de cadre
(A redazzioni d'Alta Frequenza) - A prublematica di u fiascu sculari hè stata amintata ssu ghjovi duranti a seenza di i dumandi à bocca à l'Assemblea di Corsica. In fatti, Dominique Bucchini s'hè inchietatu chì ghjovani corsi di più in più numarosi piantessini i so studii prima d'avè un diploma in a nostra accademia. Una difficultà liata, d'appressu à ellu, à a situazioni di precarità ch'ella cunnosci a nostra isula. Arrimbendusi à sciffri, l'elettu cumunistu hà intarrugatu l'Esecutivu nant'à a so vulintà d'ingaghjà parechji dimarchji pà escia da ssu dannu. Sicondu Dominique Bucchini, ci voli à sorta da ssa logica chì laca u dibattitu nant'à u fiascu sculari à i soli istanzi pulitichi tarrituriali è statali. Pà l'Esecutivu, Josepha Giacometti hà dittu ch'ella spartia ssu custatu gravi. "Semi tocchi à dui nivelli quì", hà cuntinuatu ss'ultima prima di prupona un "cambiamentu di quadru". Ssu cambiamentu di quadru duvaria parmetta à a CTC d'impignassi meghju inde l'urientazioni in materia d'insignamentu in Corsica.
Steti à senta à Josepha Giacometti.
Sur le même sujet
