Echanges et perspectives autour des aires marines protégées
(A redazzioni d'Alta Frequenza) - À a vigilia di u Terzu Cungressu Internaziunali di l'aghji marini prutetti, urganizatu tutta a settimana in Marseghja sottu à a presidenza di Paul Giacobbi, a siconda Cunfarenza di i gistiunarii di i Siti Marini di u Patrimoniu Mundiali s'hè tinuta a dumenicata scorsa in Aiacciu. I gistiunarii di i 46 siti marini di 35 paesi scritti nant'à a Lista di u patrimoniu mundiali di l'UNESCO si sò ritrovi ind'a cità Impiriali pà scambià è ammintà i sfarenti mezi pà batta à prò di a cunservazioni marina ind'u mondu. Una visita di i Golfi di Portu è di Ghjirulatu, di i Calanchi di Piani, ma ancu è soprattuttu di a riserva naturali di Scandula, classificata à u Patrimoniu Mundiali di l'umanità dipoi u 1983 era dinò à u prugrammu. U scopu hè chì ssi siti classificati à u Patrimoniu Mundiali, chì raprisentani un quartu di tuttu ciò chì hè prutettu ind'u mondu, pudessini ghjucà un rollu di mutori pà tutti l'aghji marini prutetti chì asistini, di pettu à i risichi numarosi inghjinnati da i cambiamenti climatichi è a pulluzioni. Chì sò l'ingredienti indispinsevuli pà gistiscia bè ssi siti ?
Elementi di riposta cù Fanny Douvere, cuurdinatrici di u prugrammu marinu à u Centru di u Patrimoniu Mundiali di l'UNESCO.
Sur le même sujet
