Eau et assainissement : renouvellement de la concession CAPA-Kyrnolia pour les 12 prochaines années
(A redazzioni d'Alta Frequenza) - Dui cuntratti novi di cuncissioni d'acqua è d'assanimentu sò stati signati in principiu di simana trà a Cumunità d'Agglumerazioni di u Paesi Aiaccinu è Kyrnolia. D'una durata di 12 anni, sò di 168 millioni d'auri (100 millioni pà a gistioni di l'acqua chì ci ghjova tutti i ghjorni, 68 millioni pà l'assanimentu). Un partinariatu rinnuvatu, chì corri dipoi u 1963, anticipendu cusì a fini di i cuntratti di dilegazioni di sirviziu publicu u 3 di dicembri chì veni. Nuvità : da fà chì l'usadori fessini pianu cuncirnendu a so cunsumazioni d'acqua, i cunsumatori i più impurtanti (più di 150 metri cubi à l'annu) vidarani crescia a so fattura. Altra nuvità chì và inde u listessu sensu : a missa in ballu di u telerilevatu di i cuntori, chì hà da parmetta una rileva ogni ghjornu grazia à un simplici accessu à internet.
Steti à senta à Antoine Vincileoni, u merri di Villanova è vici presidenti di a CAPA in carica di l'acqua è di l'assanimentu.
Sur le même sujet
