"E Stonde di piacè" : un'opara nova pà Jacky è Federicu Nicolai
(Michaël Andreani - Alta Frequenza) - "E Stonde di piacè" : eccu u nomi di u dischettu isciutu pocu fà da Jacky è Federicu Nicolai, babbu è fighjolu. Un’opara, à maiò parti acustica, cumposta di dodici tituli, trà criazioni è ripresi. Una bella storia di famighja, ma dinò d’amicizia, duva si poni ritruvà l’anziani cullaburatori di Jacky Nicolai, membri di u gruppu I Fratelli, chì avia cunnisciutu un bellu successu duranti l’anni ottanta. Da i temi più parsunali, di a vita d’ogni ghjornu, à quilli inghjiru à a Corsica, hè soprattuttu l’idea di u piacè musicali chì sorghja da i noti di i so canzoni.
Prisintazioni di u dischettu cù Jacky Nicolai, cantadori è musicanti.
Sur le même sujet
