Du Stade Vers l’Emploi : une autre façon de recruter autour des valeurs du sport
Marti in Aiacciu, Pôle Emploi hà urganizatu una ghjurnata di job dating arrimbendu si à u sport
Iss’evenimentu nuvativu hà accoltu impiigadori è parsoni in circa di travaddu, ghjuvendu si di u sport è di i sapè essa com’è arnesi altri di ricrutamentu.
Issi scontri, missi in anda cù u Cercle Athlétique Ajaccien, ni sò à a so terza edizioni di fila, è sò à veru una riescita.
Steti à senta i spiicazioni di Marie-Pierre Tafanelli, a dirittrici di Pôle Emploi in Aiacciu.
L’urganisazioni di i provi spurtivi, hè u Cercle Athlétique Ajaccien chì n’hà a carica.
Purtà i valori di u sport, supranà i difficultà è circà à purtà risposti adatti, eccu l’ughjittivu di l’associ spurtivi.
Steti à senta à Michel Huertas, u prisidenti di u CAA.
À fà a patrunizia d’iss’edizioni llu 2023 hè Bastien Caraccioli, l’anzianu ambasciatori di u sport di a Cullittività di Corsica. U so impegnu, u ghjuvanottu l’hà vulsutu cuntinuvà à torru à Kevin è Mathieu, i novi ambasciatori.
Iss’impegnu di a Cullittività di Corsica faci a prova di a nicissità di fà viaghjà insemi i boni vulintà.
Pà Bastien Caraccioli, issi ghjurnati insignani ch’ugni vittoria, par chjuca ch’idda sichi, hè una vittoria à nantu à sè, chì permetti d’avvià i so sonnia.
Steti lu à senta.
Sur le même sujet
