DSP transfrontalière corso-sarde : une opportunité pour la Corse selon l'OTC
(A redazzioni d'Alta Frequenza) - Una cuntinuità tarrituriali trasfruntaliera corsa è sarda, eccu ciò chì hè missu in ballu da l'Uffiziu di i Trasporti di a Corsica pà u marittimu è l'aereu. Ssu luni, Ghjuvan Filici Acquaviva, presidenti di l'UTC, è u so omologu sardu à i trasporti Massimo Deiana ani postu a prima petra di ssu dispusitivu chì cuncirnarà i viaghji trà Bunifaziu è Santa Teresa eppo trà Prupià è Porto Torres. Ssi ligni nasciarani in u quadru di dui dilegazioni di serviziu publicu, è pudarani fà l'ughjettu dopu d'una scrizzioni in u FEDER. Una sfida è un'uppurtunità pà a Corsica, hè u parè di Ghjuvan Filici Acquaviva chì stima ch'ellu ci vularà malgradu tuttu à firmà prudenti.
Eccu l'intervista di u Presidenti di l'Uffiziu di i Trasporti di a Corsica.
