DSP maritime : les marins STC de la Méridionale vont bloquer le Piana, affrété sur l'Île-Rousse par la Corsica Linea
Ci sò dinò i pinsera pà i traghjetti marittimi trà Corsica è cuntinenti. In una cunfarenza di stampa, u STC di a Miridiunali, dighjà inchietu bè à u sughjettu lla DSP à vena pà i ligni di Prupià è Portivechju, hà dittu ch’iddu bluccaria à parta si da sta sera u Piana, battellu di a Miridiunali affittatu da a Corsica Linea pà u traghjettu da Marseglia à Lisula, in risposta à l’arrestu tecnicu llu Monte d’Oru. À st’azzioni, chì hè una prutesta lli marinari llu STC, ci participighjani dinò quiddi lla CGT. Issi parsunala si dicini surpresi à veru da ciò chì, par iddi, hè un mancamentu à a DSP : affittà un battellu ch’ùn c’era in u cartulari prisintatu da a Corsica Linea par vincia a chjama publica d’issa ligna. Di manera più larga, à nantu à certi ligni, ci sò stati altri rimpiazzamenti fatti cù navi ch’ùn erani privisti, è quissa dipoi u principiu lla DSP, u 1u d’uttrovi. È certi sò aghjà dicisi : hè cusì chì u Jean Nicoli duvaria tuccà à Bastia par tuttu dicembri. L’affari scandalizighja à veru u sindicatu, chì dumanda una riazzioni rapida di l’Uffiziu lli Trasporti.
Stemu à senta à Cyril Venouil pà u STC di a Miridiunali
Sur le même sujet
