DSP aérienne, prix du transport maritime : le coup de gueule du Rassemblement National en Corse
U Rassemblement National di Corsica hà datu issa duminicata u so parè, par ciò chì toccà à u prezzu lli trasporti marittimi è à a DSP aeriana.
U RN faci a critica di u prezzu llu metru lineariu llu trasportu à nantu à i ligni marittimi di sirviziu publicu : in Sardegna, hè à 39€. In Corsica, inveci, franca i 90€.
U RN faci ancu critica di a ripresa di l’attivi di a SNCM in u 2015, è d’una situazioni guasgi monopolistica trà l’uparatori marittimi è u tissutu ecunomicu corsu.
U partitu hà ancu parlatu di a DSP aeriana, chì faci dibattitu issi pochi sittimani.
A cumpagnia spagnola Volotea hà rispostu à a chjama publica pà i ligni chì liani Aiacciu è Bastia à parigi è Marseglia, cù un’ufferta chì custaria dui volti menu chè quidda d’Air Corsica.
Pà u RN, a Cullittività di Corsica hà da soffra, in issu cartulari, di i reguli aurupeani, è i si hà da pata.
À issu liveddu, in u prugrama pà l’alizzioni aurupeani di u partitu, ci hè a dumanda di a prifirenza lucali pà i chjami di sirviziu publicu.
Steti à senta à François Filoni, rispunsevuli righjunali è membru di u scagnu naziunali di u RN.
Sur le même sujet
