DSP aérienne entre la Corse et Paris : Volotea prend acte de sa non-sélection
L’assemblea di Corsica avendu datu cunfirma di a silizzioni d’Air Corsica pà a Diligazioni llu Sirviziu Publicu Aerianu trà a Corsica è parigi, a cumpagnia spagnola Volotea, chì avia postu a so candidatura pà l’aeruporti d’Aiacciu è Bastia, si hè fatta senta via un cumunicatu.
A cumpagnia dici « ch’idda pidda nota è rigreta issa dicisioni, cunvinta chì a so pruposta era ghjusta è cumpititiva, è ch’idda t’hà sempri avutu par ughjittivu di porghja u sirviziu u meddu à i so viaghjadori, cù un prezzu à veru cumpititivu, è di cuntribuì à u dinamismu di i tarritoria ind’idda faci sirviziu ».
Pari ch’idd’ùn achi a vulintà d’attaccà a dicisioni di l’assemblea di Corsica, Volotea, ma dici quantunca ch’idda hà da « valutà a cunfurmità di a prucidura suvitata, è ch’idda hà da essa attenti da pruteghja i so intaressi, circhendu suluzioni custruttivi cù i parti intarissati ».
