Drame évité à Propriano hier
(A redazzioni d'Alta Frequenza) - S'hè schisatu a catastrofa arimani (ghjovi) ind'u Valincu. Un avviò traspurtendu dui paracadutisti hè partutu appena nanzi à 10 ori da l'aerodromu di Tavaria. Una "cappiata" hè stata fatta ind'u settori di u golfu di Prupià. Fendu fronti à i venti viulenti chì soffiani ind'u microrughjoni, i dui paracadutisti si sò ciuttati in mari. Impurtanti mezi di succorsu sò tandu stati mubilizati : battellu, ciuttadori SNSM, spinghjifochi è SAMU. Un battellu SNSM era ancu di grazia vicinu à u locu. Un ciuttadori hè statu mandatu nant'à issa zona, ind'un mari scatinatu. Hè statu aiutatu da i spinghjifochi ciuttadori ghjunti d'Aiacciu via u Dragon 20. In fini, una di i vittimi, una ghjuvanotta di una vintina d'anni era in principiu d'annigà si, in iputermia avanzata è assai cummossa. Dopu ad essa stata medicalizata sopralocu, hè stata traspurtata via elicotteru ver di l'uspidali d'Aiacciu. U so prunosticu vitali ùn hè micca ingaghjatu. Pà ciò chì tocca à l'altra parsona, un ghjuvanottu di 25 anni, cummossa è in iputermia, hè statu direttu ver di l'uspidali di Sartè. S'hè schisatu u peghju dunqua, grazia frà altru à a riattività di i salvadori. Più cà mai a più grandi prudenza è a più grandi attinzioni sò racumandati.
Sur le même sujet
