Drame de la mer à Olmeto
(A redazzioni d'Alta Frequenza) - C'hè statu un drama in mari ssu marti in Corsica Suttana. Mentri ch'elli erani à u bordu di Campitellu nant'à a cumuna d'Ulmetu, trè parsoni sò stati chjappi da un marosulu maiò. Privinuti in furia da tistimonii prisenti sopralocu, i mezi di succorsi sò stati mubilizati, in prima locu i squadri di a SNSM di Prupià. Dui di i membri di ssa listessa famighja sò stati trovi, presi da rullò più à u largu, mentri chì un antru hè statu purtatu nant'à a rena in arrestu cardiurispiratoriu. Membri di a SNSM, squadri di u SAMU è di i succorsi si sò mubilizati par aiutà i vittimi. Una hè morta dopu à più di 30 minuti di provi di rianimazioni, l'altra hè stata purtata in elicotteru à l'uspidali d'Aiacciu in un statu seriu, ma era cuscenti ; pà ciò chì tocca a terza, hè stata assai cummossa.
Sur le même sujet
