Drame cette nuit sur la Balanina
(A redazzioni d'Alta Frequenza) - Novu drama stanotti (luni à marti) nant’à i stradi di Corsica Suprana. Dui parsoni sò morti nant’à a Balanina. Una vittura cù drentu trè travaghjadori di staghjoni, ghjunti à vigilia, hà inticciatu un camiò di rumenzuli, à u nivellu di l’aeruportu di Santa Catalina, versu 2 ori menu 10 di mani. Una volta sopralocu, i spinghjifochi custatavani a morti di a donna di una trentina d’anni. Un ghjovanu travaghjadori di staghjoni di 25 anni hè mortu appena più tardi, dopu avè fattu un arrestu cardio ventilatoriu. Pà ciò chì tocca à a terza parsona, hè stata traspurtata nant’à l’uspidali di Bastia via elicotteru. Hè statu feritu di modu gravi, ma u prunosticu vitali ùn hè micca ingaghjatu. Mezi umani è aerei impurtanti sò stati mandati sopralocu da purtà succorsu à i vittimi. Un’inchiesta hè stata aparta da ditarminà i causi pricisi di iss’accidentu murtali.
Sur le même sujet
