Dramatique accident en Corse-du-Sud
(A redazzioni d'Alta Frequenza) - Un omu di una sissantina d'anni hè statu ritrovu mortu stamani (marcuri) appena dopu à 6 ori vicinu à a so vittura, nant'à a cumuna di Pitrusedda in Corsica Suttana. Sicondu i primi elementi racolti, a parsona saria stata scrasata, bluccata trà a so vittura è un purtò, par raghjoni chì ùn sò micca cunnisciuti di manera esatta, mentri ch'ella pruvava à vultà in casa soia. Ùn avaria micca bè strintu u frenu à manu di a so vittura. L'alerta hè stata data da una vicina. S'è verificazioni ani da essa rializati, a pista di l'accidenti hè a più prubabili pà i gendarmi.
Sur le même sujet
