Dossier Paul-André Contadini : des avancées obtenues
(A redazzioni d'Alta Frequenza) - Azzioni dopu azzioni, a Ghjuventù Indipendentista hà circatu à fà andà più in furia l’avvicinamentu di Paulu Andria Contadini, in greva di a fami dipoi più di quindeci ghjorni. È ssu marcuri, ondeci militanti di a struttura ani dicisu d’occupà di manera pacifica a prifittura di Corsica Suprana pà alertà annant’à ssu casu quì. S’è fora, parechji incidenti ani uppostu parechji decini di manifistanti à i forzi di l’ordini, nentru, l’ondeci ghjuvanotti, chì s’erani missi in greva di a fami, ani dicisu di sorta dopu à più d’ottu ori d’occupazioni versu 11 ori, è què cù certi avanzati. In fatti, u 7 d’uttrovi, a corti di cassazioni asaminarà torna u cartulari induva Paulu Andria Contadini hè statu cundannatu in un prima tempu par avè tinutu è traspurtatu splusivi à cinqui anni di prighjoni. È sicondu a Ghjuventù Indipendentista, assicuranzi sariani stati dati da a ministra di a Ghjustizia Christiane Taubira cuncirnendu l’avvicinamentu di Paulu Andria Contadini in a prighjoni di Borgu dopu à ssu passaghju in cassazioni.
Sur le même sujet
